Вы жадаеце вывучаць нямецкую мову ў Беларусі? У такім разе Вы можаце скарыстацца шырокім выбарам магчымасцяў: вну, моўныя школы і Інстытут імя Гётэ прапануюць мноства розных курсаў нямецкай мовы. У Інстытуце імя Гётэ ў Мінску знаходзіцца бібліятэка, дзе Вы можаце знайсці разнастайныя кнігі на нямецкай мове, а таксама выбраць з мноства розных курсаў нямецкай мовы для дзяцей і дарослых усіх моўных узроўняў. Нароўні з моўнымі курсамі праводзяцца таксама курсы па падрыхтоўцы да іспытаў і самі моўныя іспыты.

Моўныя тэсты onSET, TestDaF і TestAS

У Беларусі моўны тэст TestDaF, які прызнаецца ва ўсім свеце, і тэст на здольнасць навучання ў вну TestAS, рэгулярна праводзяцца ў Беларускім нацыянальным тэхнічным універсітэце. TestDaF - гэта моўны тэст, які патрабуюць нямецкія вну для пацверджання ўзроўня ведаў нямецкай мовы ў замежных абітурыентаў. TestAS - гэта тэст на здольнасць навучацца ў вну, яго патрабуюць некаторыя нямецкія вну для паступлення. Яго можна здаваць па розных кірунках на ангельскай і нямецкай мове, і ён паказвае Вашы навыкі і здольнасці па спецыяльнасці.. Нароўні з дадзенымі тэстамі DAAD у Беларусі прапануе здаць тэст onSET. Дадзены тэст неабходны для заяўкі на ўдзел у вызначаных стыпендыяльных праграмах і з'яўляецца свайго роду экспрэс-тэстам (праводзіцца ў рэжыме анлайн і дазваляе хутка і точна вызначыць узровень валодання нямецкай мовай).